നിയമലംഘനം: സൗദിയിൽ 21,505 വിദേശികൾ അറസ്റ്റിൽ

റിയാദ് ∙ സൗദിയിൽ അറേബ്യയിൽ ഒരാഴ്ചയ്ക്കിടെ ഇന്ത്യക്കാർ ഉൾപ്പെടെ 21,505 വിദേശികൾ അറസ്റ്റിലായി. കൂടുതൽ പേർ (14,323) താമസ കുടിയേറ്റ നിയമം ലംഘിച്ചവരാണ്. അതിർത്തി നിയമം ലംഘിച്ച 4,778 പേരും തൊഴിൽ നിയമം ലംഘിച്ച 2,404 പേരും 1,295 നുഴഞ്ഞുകയറ്റക്കാരും ഉൾപ്പെടും.  നിയമലംഘകർക്ക് അഭയം നൽകുന്നവർക്ക് 15 വർഷം തടവും 10 ലക്ഷം റിയാൽ പിഴയുമാണ് ശിക്ഷ. കൂടാതെ വസ്തുവും വാഹനവും കണ്ടുകെട്ടും. നിയമലംഘകരെക്കുറിച്ച് അറിയുന്ന മക്ക, റിയാദ് പ്രദേശത്തുള്ളവർ 911 നമ്പറിലും മറ്റു മേഖലകളിൽ ഉള്ളവർ 999, 996 നമ്പറിലും അറിയിക്കണം.