പെരുന്നാൾ ആശംസകൾ നേർന്ന് സൗദി രാജാവ്

ജിദ്ദ ∙ സൗദി ഭരണാധികാരി സൽമാൻ രാജാവ്  വിശ്വാസികൾക്ക്  പെരുന്നാൾ ആശംസകൾ നേർന്നു. മാധ്യമ മന്ത്രി സൽമാൻ അൽദോസരിയാണ് രാജാവിന്റെ പെരുന്നാൾ സന്ദേശം  വായിച്ചത്.  പലസ്തീൻ ജനതയ്ക്കെതിരായ ആക്രമണം അവസാനിപ്പിക്കണമെന്നും  നിയമാനുസൃത അവകാശങ്ങള്‍ നേടിയെടുക്കാൻ പ്രാപ്തരാക്കി പലസ്‌തീൻ ജനതയുടെ ദുരിതങ്ങൾക്ക് അറുതിവരുത്തണമെന്നുമാണ് ഈ വർഷം ഈദുൽ ഫിത്റിനെ സ്വാഗതം ചെയ്യുമ്പോൾ ഊന്നിപ്പറയാനുള്ളതെന്നു സൽമാൻ രാജാവ് കൂട്ടിച്ചേർത്തു.