മലയാളി നഴ്സസ് ഫാമിലി രക്തദാന ക്യാംപ്

ദുബായ് ∙ രാജ്യാന്തര നഴ്സസ് ദിനാഘോഷത്തിന്റെ ഭാഗമായി എമിറേറ്റ്സ് മലയാളി നഴ്സസ് ഫാമിലി രക്തദാന ക്യാംപ് സംഘടിപ്പിച്ചു. അബുദാബി, ദുബായ്, റാസൽഖൈമ എമിറേറ്റുകളിലാണ് ക്യാംപ് സംഘടിപ്പിച്ചത്. റേഡിയോ ജോക്കി ജോൺ ക്യാംപ് ഉദ്ഘാടനം ചെയ്തു.

ഭാരവാഹികളായ സിയാദ്, സുബിൻ, അനീഷ്, അജിത്, അനൂപ്, പ്രകാശിനി, നിഷ, പ്രൈസി, ഫിറോസ്, സുറുമി, ഷീന, മുരളി, ജിതിൻ, പ്രശാന്ത്, റസീം, ഷിജി, ഐഫ, ഷൈല എന്നിവർ വിവിധ എമിറേറ്റുകളിൽ നേതൃത്വം നൽകി. 

യുഎഇയിലെ മുഴുവൻ മലയാളി നഴ്സുമാരെയും പങ്കെടുപ്പിച്ച് വിപുലമായ നഴ്സസ് ദിനാഘോഷം ജൂലൈയിൽ നടത്താനും തീരുമാനിച്ചു.