മലയാളി നേതാവിനൊരു കുറിപ്പ്
Mail This Article
മലയാളിയാണെങ്കിൽ സൽ സഭാവിയാകേണം
മലയാളി സംഘടന തൻ തലപ്പത്തിരിക്കുവാൻ
തിടുക്കത്തിൽപാടില്ല മോഹം നേതാവാകുവാൻ
തഴക്കവും പഴക്കവും നേടണം, മര്യാദ കാട്ടണം
തലമൂത്ത നേതാക്കളെ മറക്കരുത് മാനിക്കാനും
തകർക്കരുത് സംഘടന സ്വാർത്ഥ താല്പര്യത്താൽ
ഒറ്റയ്ക്ക് ചെയ്യാൻ കഴിയാത്ത സേവനം ഒന്നായ്,
ഒരുമായാൽ കൈകോർത്തു പിടിച്ചു ചെയ്തീടണം
മലയാളി നേതാവെങ്കിൽ കുടിക്കരുതശുദ്ധമാം മദ്യം
മലയാളി നേതാവെങ്കിൽ വിൽക്കരുത് മദ്യമൊരിക്കലും
മദ്യമാകും ക്രൂരനാം കള്ളൻ കുടുംബങ്ങളൊത്തിരി
മയക്കി നശിപ്പിച്ചു കേരളത്തെ മാനം കെടുത്തിയില്ലേ?
പരദൂഷണം പാടില്ല നൽ മലയാളിയാണെങ്കിൽ
പാരവെയ്പ്പും വീരവാദവും പാടില്ല മേലിൽ...
കള്ളത്തരവും ചതിയും പാടില്ലൊരിക്കലും
കാര്യ സാധ്യത്തിനായി മാനം വിട്ടുകളിക്കരുത്
സന്ധി ചെയ്യണം തർക്കങ്ങൾ വന്നീടുമ്പോൾ പക്ഷെ
സഹജരെ അപകീര്തിപെടുത്തരുത് ശാപമായീടും
കസേരയിൽ കയറിയാൽ നിൽക്കുന്നവരെയൊക്കെ
കരിതേച്ചു കാട്ടരുത് കരുണ കാട്ടുവാൻ മറക്കരുത്
വഴികാട്ടിയായവരെ, കൈപിടിച്ചു കയറ്റിയവരെ
വഴിയിലിട്ടിട്ടു പോകരുതൊരിക്കലും നന്ദികേടാകും.
വല്യേട്ടൻ മനോഭാവം കൈവെടിഞ്ഞിട്ടു സഹജരെ,
വിഘടിച്ചു നിന്നാലും വിളിച്ചു ചേർക്കുക മടിക്കാതെ