‘ഹൈജംബ്’ അഥവാ ‘അത്യുന്നതങ്ങളിലേക്കുള്ള കുതിപ്പ്’

ആ സ്വർണ്ണപ്പതക്കം

തിരുനെറ്റിയിൽ ചാർത്താതെ,

അവനൊരു രാജ്യം മുഴുവൻ

സ്വർണ്ണം കൊണ്ട് മൂടി, 

അല്ല, പ്രപഞ്ചമഖിലവും..! 

ഉയരത്തെ കീഴടക്കാൻ

ചാടിയവൻ 

ആകാശം തൊട്ടാണ്

നിലത്തിറങ്ങിയത് ... 

ചില നിമിഷങ്ങളങ്ങനെയാണ്..

അവ മർത്ഥ്യഹൃദയത്തിൽ

അതിശക്തമായൊരമ്പായ്

തുളച്ച് കയറും ... 

ആ മധുരസ്പന്ദനത്തിൻ 

മുറിവിലൂടെ ലാവയായ്-

പൊട്ടിയൊലിക്കുന്നത്

സ്നേഹാമൃതായിരിക്കും ... 

ഒരു ജനതയുടെ 

സ്നേഹക്കരുത്തിനെ

അത് ഗോലിയത്താക്കി 

പു:ന സൃഷ്ടിക്കുന്നു ... 

അതിന്റെ ശക്തിയിൽ 

വർണ്ണവർഗ്ഗ-

ക്കോട്ടക്കൊത്തളങ്ങൾ

തവിടുപൊടിയാകും... 

ഒരു കേവല നിമിഷത്തെ

ഒരു യുഗമാക്കി മാറ്റാൻ

കരുത്തുറ്റ ചില 

തിരുത്തലുകൾ... 

ലോകഗതിയെ 

അത് ദിശ മാറ്റും !

കണ്ണുകളെ ഈറനണിയിക്കും..

കരളിനെ തരളിതമാക്കും ... 

നമ്മുടെയീലോകം

എത്ര സുന്ദരമാണ് !!

അതിലെ മനുഷ്യർ എത്ര സുന്ദരന്മാരാണ് !!