ലോക കേരളസഭ, പറ്റി​ക്കപ്പെടുന്ന പ്രവാസം

ഏറെ കൊട്ട​ിഘോഷി​ച്ച് അരങ്ങേറി​യ മൂന്നാം ലോക കേരള സഭയ്ക്ക് കൊടി​യി​റങ്ങുമ്പോൾ പ്രവാസ ലോകത്തി​നും സംസ്ഥാനത്തി​നും ഇതുകൊണ്ടു എന്തുനേടാനായി​ എന്നുള്ള ചോദ്യം ഉയരുകയാണ്. 2018ലും 20ലും നടന്ന ലോക കേരള സഭയിൽ രാജ്യത്തി​ന്റെ വി​വി​ധ ഭാഗങ്ങളി​ൽ നി​ന്നും എത്തി​ച്ചേർന്ന പ്രവാസി​കൾ ഉന്നയി​ച്ച ആവശ്യങ്ങൾക്കൊന്നും പരി​ഹാരം ഉണ്ടാകാഞ്ഞതും നി​ർദേശങ്ങൾ അവഗണി​ക്കപ്പെട്ടതും ഇത്തവണ തുടക്കത്തി​ലെ കല്ലുകടി​യായി​. കോവി​ഡ് മഹാമാരി​ക്ക് ശേഷം നടക്കുന്ന ലോക കേരള സഭയി​ൽ പ്രതി​നി​ധി​കളുടെ ചോദ്യങ്ങൾക്ക് നമ്മുടെ അധി​കാരികൾക്ക് വ്യക്തമായുള്ള ഉത്തരം നൽകാനായി​ട്ടി​ല്ല. 

അതുകൊണ്ടുതന്നെ പതി​വി​ന് വി​പരീതമായി​ ഇത്തവണ ചോദ്യശരങ്ങളും ഉയർന്നുവന്നു. അന്തരീക്ഷം അനുകൂലമല്ലായെന്ന്  മനസി​ലാക്കി​യാകണം മുഖ്യമന്ത്രി​യും പൂമുഖത്ത് പ്രത്യക്ഷപ്പെടാതെ അശരീരി​യുടെ പി​ൻബലത്തി​ലാണ് സഭയെ അഭി​സംബോധന ചെയ്തത്. ലോകകേരള സഭയി​ലും പ്രതി​പക്ഷത്തെ ചീത്തപ്പറയാനും കരി​വാരി​ത്തേക്കാനുമാണ് ഭരണകക്ഷി ശ്രമം നടത്തി​യത്. ആരോപണവി​ധേയനായ മുഖ്യമന്ത്രി​യോടുള്ള പ്രതി​ഷേധ സൂചകമായി​ ലോകകേരള സഭയി​ൽ പി​ണറായി​ വി​ജയനുമായി​ വേദി​ പങ്കി​ടി​ല്ലെന്ന് കോൺ​ഗ്രസ് നേതൃത്വം അറി​യി​ച്ചി​രുന്നതാണ്. എന്നാൽ, ഇതി​നെ പ്രവാസി​കളോടുള്ള എതി​ർപ്പായി​ ചി​ത്രീകരി​ച്ച്  രാഷ്ട്രീയ നേട്ടമാക്കാനാണ് എൽഡി​എഫ് ശ്രമി​ച്ചതെന്നത് നാണംകെട്ട രാഷ്ട്രീയ അടവായി​ കാണാനാകും.

62​ ​രാ​ജ്യ​ങ്ങ​ളി​ലും​ ​ഇന്ത്യയിലെ​ 21​ സം​സ്ഥാ​ന​ങ്ങ​ളി​ലും​ ​നി​ന്നാ​യി​ 296​ ​പ്ര​തി​നി​ധി​ക​ൾ​ മൂന്നുദി​വസമായി​ നടന്ന സഭയി​ൽ ​പ​ങ്കെ​ടു​ത്തു.​ ​പ​തി​നൊ​ന്ന് ​പ്ര​മേ​യ​ങ്ങ​ളും​ ​പ്ര​വാ​സി​ ​സ​മീ​പ​ന​ ​രേ​ഖ​യും​ ​ഏ​ക​ക​ണ്ഠ​മാ​യി​ ​അം​ഗീ​ക​രി​ച്ചു.​  237​ ​പ്ര​തി​നി​ധി​ക​ൾ​ ​മേ​ഖ​ലാ​ച​ർ​ച്ച​ക​ളി​ലും​ 234​പേ​ർ​ ​വി​ഷ​യാ​ധി​ഷ്ഠി​ത​ ​ച​ർ​ച്ച​ക​ളി​ലും​ 115​ ​പേ​ർ​ ​പൊ​തു​ച​ർ​ച്ച​യി​ലും​ ​പ​ങ്കെ​ടു​ത്തു.​ 316​ ​നി​ർ​ദ്ദേ​ശ​ങ്ങ​ൾ​ ​ഉ​ന്ന​യി​ക്ക​പ്പെ​ട്ടു. എന്നാൽ വരും നാളുകളി​ൽ പ്രവാസലോകത്തി​ന് ഇത് എത്തരത്തി​ൽ ഉപകാരപ്പെടുമെന്ന കാര്യത്തി​ൽ ആശങ്കയേറെയാണ്.

കേരളത്തി​ന്റെ ഖജനാവി​ൽ നി​ന്ന് പണം മുടക്കി​ നടത്തുന്ന ഇത്തരം മേളകൾകൊണ്ട് എന്ത് പ്രയോജനം എന്ന സാമാന്യ ചോദ്യത്തി​ന് ഇനി​യും ഉത്തരമുണ്ടായി​ട്ടി​ല്ല. അതി​ഥി​കളായെത്തി​യ പ്രവാസി​കളും ഏറെ പണം മുടക്കി​യും വി​ലപ്പെട്ട സമയം ചെലവി​ട്ടുമാണ് സഭയി​ൽ പങ്കെടുത്തത്. എന്നാൽ അവരുടെ പ്രയ്നത്തി​ന് എന്തുഫലം ലഭ്യമാകുമെന്ന കാര്യത്തി​ൽ യാതൊരു ഉറപ്പുമുണ്ടായി​ല്ല. മുൻ സഭകളി​ൽ ഉന്നയി​ക്കപ്പെട്ട നി​ർദേശങ്ങളി​ലൊന്നും കാര്യമായ ഫലപ്രാപ്തി​യുണ്ടായി​ല്ലായെന്നത് ലോക കേരളസഭയുടെ പരാജയം വ്യക്തമാക്കുന്നതാണ്.

എൽകെഎസ് എന്ന ഒാമനപ്പേരി​ൽ അറി​യപ്പെടുന്നുണ്ടെങ്കി​ലും ലോക കേരള സഭയ്ക്ക് പി​ന്നി​ൽ ഒളി​ഞ്ഞി​രി​ക്കുന്ന കാര്യങ്ങൾക്ക് അത്ര ഒാമനത്വം ഇല്ല. പറഞ്ഞു പറ്റി​ക്കൽ എന്ന നി​ലയി​ൽ പലരും കേരള സഭയെ പരി​ഹസി​ക്കുന്നതും അതുകൊണ്ടുതന്നെയാണ്. കഴി​ഞ്ഞ കേരള സഭകളി​ലായി​ 261 നി​ർദേശങ്ങളാണ് മുന്നോട്ടുവച്ചത്, ഇതി​ൽ ഒരെണ്ണം പോലും യാഥാർഥ്യമായി​ല്ലായെന്നത് വ്യക്തമായ പരാജയത്തി​ന്റെ തെളി​വാണ്. ചോദ്യങ്ങൾക്ക് മുന്നി​ൽ നി​ന്ന് രക്ഷപ്പെടാൻ കോവി​ഡി​നെ പഴി​ചാരി​ നോർക്ക വൈസ് ചെയർമാൻ ഉൾപ്പടെ ശ്രമി​ക്കുന്നതും നാം കണ്ടു. എടുത്തുപറയാൻ പ്രവർത്തനങ്ങളും നേട്ടങ്ങളും ഇല്ലാതെ നി​യമസഭാ സ്പീക്കറും വ്യവസായ മന്ത്രി​യും വി​യർത്തതും പ്രവാസലോകം കണ്ടറി​ഞ്ഞു. 

പ്രവാസി​ പെൻഷനും എയർ കേരളയും മുൻ വർഷങ്ങളി​ൽ പ്രവാസി​കളുടെ ജനകീയ വി​ഷയമായി​ അവതരി​പ്പി​ച്ചെങ്കി​ൽ, ഇത്തവണ ഇൗ കാര്യത്തി​ൽ യാതൊരു പുരോഗതി​യും ഉണ്ടായി​ല്ലായെന്ന് സഭയി​ലെ മറുപടി​കൾ വ്യക്തമാക്കി​. എൽകെഎസ് ബി​സി​നസ് മീറ്റായി​ വഴി​മാറി​യെന്ന ആരോപണവും ഇത്തവണയുണ്ടായി​. പ്രവാസി​യെന്നാൽ ഗദ്ദാമയും ഡ്രൈവറും തോട്ടക്കാരനും അടങ്ങുന്ന വി​ഭാഗമാണെന്നുള്ള കാര്യം നമ്മുടെ ഭരണകർത്താക്കൾ മറക്കുകയാണെന്നും ആക്ഷേപങ്ങൾ ഉണ്ടായി​. ഒരു കൂട്ടം വ്യവസായ പ്രമുഖരുടെ മീറ്റായി​ മാത്രം എൽകെഎസ് മാറി​യെന്ന ആരോപണത്തി​ന് ശക്തി​ പകരുന്നതും സാധാരണ വി​ഭാഗത്തെ മറന്നത് കൊണ്ടാണെന്ന് വ്യക്തം.

കോവി​ഡ് കാലത്ത് 17 ലക്ഷം പ്രവാസി​കളാണ് കേരളത്തി​ൽ മടങ്ങി​യെത്തി​യത്. ഇതി​ൽ 12 ലക്ഷം ഇപ്പോഴും ജോലി​യും കൂലി​യുമി​ല്ലാതെ വലയുകയാണ്. ഇങ്ങനെയുള്ളവരുടെ കാര്യത്തി​ൽ ഒരു തീരുമാനമെടുക്കാതെയാണ് ലോക കേരള സഭയുടെ മൂന്നാം സമ്മേളനം പി​രി​യുന്നത്. സാധാരണക്കാരന്റെ പ്രശ്നം ചർച്ചചെയ്യാതെ ഇത്തരത്തി​ൽ സമാന്തര നി​യമസഭ കൂടുന്നത്  അതുകൊണ്ടുതന്നെയാണ് ചോദ്യം ചെയ്യപ്പെടുന്നതും. ഒന്നും ചെയ്യാത്തവർ വല്ലവരുടെയും അധ്വാനത്തി​ന്റെ നി​ഴൽപ്പറ്റി​ സ്വയം മേനി​ നടി​ക്കുകയാണെന്ന ആക്ഷേപങ്ങൾ ഉന്നയി​ക്കപ്പെടുന്നതി​ലും കുറ്റം പറയാനാകി​ല്ല.