രാജ്യാന്തര പാരാ ബാഡ്മിന്റൺ ചാംപ്യൻഷിപ്പിൽ കേരള താരങ്ങൾക്ക് മെഡൽ

കമ്പാല ∙ ഉഖാണ്ടയിൽ നടന്ന രാജ്യാന്തര പാരാ ബാഡ്മിന്റൺ ചാംപ്യൻഷിപ്പിൽ എസ്എച്ച് സിക്സ് ഡബിൾസ് വിഭാഗത്തിൽ ഇന്ത്യയുടെ ആകാശ് എസ്. മാധവൻ -ഗോഗുൽദാസ് എന്നിവർക്ക് സ്വർണ്ണ മെഡൽ. എസ്എൽ മൂന്ന്, എസ്‌യു അഞ്ച് മിക്സഡ് ഡബിൾസ് വിഭാഗത്തിൽ മാർഗ്രെറ്റ്, മേരി വിൽസൺ (സ്കോട്‌ലൻഡ്) സഖ്യത്തിന് വെള്ളി മെഡലും, എസ്എൽ 3-എസ്എൽ 4 പുരുഷ ഡബിൾസ് വിഭാഗത്തിൽ ശ്രീറാം മുത്തുരാമൻ (കേരള) ശരണപ്പ (കർണാടക) സഖ്യം വെങ്കല മെഡലും, എസ്എച്ച് 6 പുരുഷവിഭാഗം സിംഗിൾസിൽ ഗോകുൽ ദാസ് വെങ്കല മെഡലും നേടി. 

എസ്‌യു5 പുരുഷ ഡബിൾസ് വിഭാഗത്തിൽ ചാൾസ് സൂസമരിയൻ (കേരള) ഗൗതം (കർണാടക) സഖ്യം  വെങ്കല മെഡൽ നേടി. കേരള ചരിത്രത്തിൽ ആദ്യമായിട്ടാണ്  ഈ വിഭാഗങ്ങളിൽ രാജ്യാന്തര മെഡലുകള്‍ കരസ്ഥമാക്കുന്നത്. ആറു വിഭാഗങ്ങളിലായി 35 ഇന്ത്യൻ താരങ്ങൾ പങ്കെടുത്തു. രണ്ടു സ്വർണ്ണം, ഒരു വെള്ളി, മൂന്നു വെങ്കല മെഡലുകൾ കേരള പാരാ ബാഡ്മിന്റൺ താരങ്ങൾ കരസ്ഥമാക്കി.