മിസിസാഗ ലയൺസ് പിക്നിക്ക് സംഘടിപ്പിച്ചു
Mail This Article
മിസിസാഗ∙ കാനഡയുടെ മണ്ണിൽ കുടിയേറ്റത്തിന്റെ പുതുചരിതം എഴുതിച്ചേർക്കുന്ന സമൂഹമായി മാറാൻ മലയാളികൾക്കു സാധിക്കുമെന്നു പ്രവിശ്യ പാർലമെന്റംഗം നതാലിയ കുസെൻദോവ അഭിപ്രായപ്പെട്ടു. മിസിസാഗ ലയൺസ് പിക്നിക്കിനോടനുബന്ധിച്ച് നടത്തിയ വടംവലി മൽസരം ഉദ്ഘാടനം ചെയ്യുകയായിരുന്നു നതാലിയ.
കുട്ടികൾ ബലൂൺ പറത്തിയാണ് പിക്നിക്കിന് തുടക്കംകുറിച്ചത്. കുട്ടികൾക്കും മുതിർന്നവർക്കുമായി വിവിധ മൽസരങ്ങളും, നാടൻ വിഭവങ്ങളടങ്ങിയ തട്ടുകടയും ഒരുക്കിയിരുന്നു. തീറ്റ മൽസരവും ആവേശം പകർന്നു. ലിബിനും ജോസ്മിയും ജേതാക്കളായി. വടംവലി മൽസരത്തിൽ കോട്ടയം ബ്രദേഴ്സ് ബ്ലു ജേതാക്കളായി. എംടാക് റെഡിനെയാണ് 2-1ന് തോൽപ്പിച്ചത്.
മിസിസാഗ മാൾട്ടൺ റൈഡിങ്ങിലെ പാർലമെന്റ് സ്ഥാനാർഥി ടോം വർഗീസ് മുഖ്യാതിഥിയായിരുന്നു. ഫെലിക്സ് ജയിംസ്, മോൻസി തോമസ്, ഡെന്നിസ് ജേക്കബ്, ബിനു ജോസഫ്, മൈക്കിൾ ആന്റർ, ജിതിൻ ജോസഫ്, തോംസൺ, ആന്റോ കരുണക്കൽ, നിഖിൽ വർഗീസ്, ജിജീഷ് ജോൺ, അഭിലാഷ് ജോർജ്, ജയദീപ്, നിക്സൺ മാനുവൽ, അഭിലാഷ് ജോൺ, നിർമൽ, കൊച്ചുമോൻ ഏബ്രഹാം, വിനു ദേവസ്യ എന്നിവർ നേതൃത്വം നൽകി.
മനോജ് കരാത്തയായിരുന്നു പിക്നിക്കിന്റെ സ്പോൺസർ. ബോബൻ ജയിംസ്, ടോമി കോക്കാട്, ലോയർ ടീന ബലൻറ്, സാജു ഏബ്രഹാം, മോഹൻദാസ് എന്നിവരാണ് സമ്മാനങ്ങൾ സ്പോൺസർ ചെയ്തത്.