കെഎച്ച്എന്എ കണ്വെന്ഷന്:മേളപ്പെരുക്കത്തിന് പല്ലാവൂര് സംഘവും കലാമണ്ഡലം ശിവദാസും
Mail This Article
ന്യൂജഴ്സി∙ കേരള ഹിന്ദൂസ് ഓഫ് നോര്ത്ത് അമേരിക്കയുടെ പത്താം കണ്വന്ഷന് മേളക്കൊഴുപ്പേകാന് പല്ലാവൂര് സംഘവും കലാമണ്ഡലം ശിവദാസും എത്തും.
വാദ്യലോകത്തെ പല്ലാവൂര് ശൈലിയുടെ ഇളമുറക്കാരൻ പല്ലാവൂര് ശ്രീധരന്റെ നേതൃത്വത്തിലുള്ളസംഘമാണ് ഓഗസറ്റ് 30 മുതല് സെപ്റ്റംബര് 2 വരെ ന്യൂജഴ്സിയിലെ ചെറിഹില് ക്രൗണ് പ്ലാസ ഹോട്ടലില് നടക്കുന്ന കണ്വന്ഷനിൽ പഞ്ചാരി മേളവുമായി എത്തുക. പല്ലാവൂര് ത്രയത്തിലെ മണിയന് മാരാരുടെ മകനായ ശ്രീധരന് രാജ്യത്തിനകത്തും പുറത്തും നിരവധി തവണ പഞ്ചവാദ്യംഅവതരിപ്പിച്ചിട്ടുണ്ട്.
കേരളത്തിലെ പ്രമുഖ പൂരങ്ങള്ക്കും വേലകള്ക്കും പ്രമാണിയായ പഞ്ചവാദ്യലോകത്തെ ഈ യുവതാരത്തിന്റെ മേളപ്പെരുക്കം കണ്വന്ഷന്റെ ശോഭ കൂട്ടും. ശ്രീധരന്റെ ഇളയ സഹോദരന് ശ്രീകുമാറും ചെണ്ടമേളത്തിലെ പ്രധാനി കലാമണ്ഡലം ശിവദാസും സംഘത്തിലുണ്ടാകും.
മനോജ് കുളങ്ങാട്ട്, പല്ലശന ശ്രീജിത്ത് മാരാര്, രെജിത്ത് മാരാര്, രാജേഷ് നായര്, രാജേഷ് കുട്ടി എന്നിവരാണ് സംഘത്തിലെ മറ്റ് അംഗങ്ങള്.