ഫീനിക്സിൽ മാർത്തോമ്മാ കൺവൻഷൻ 20 മുതൽ
Mail This Article
×
അരിസോണ ∙ ഫീനിക്സ് മാർത്തോമ്മാ ഇടവകയുടെ വാർഷിക ഇടവക മിഷൻ കൺവൻഷൻ സെപ്റ്റംബർ 20 വെള്ളിയാഴ്ച മുതൽ 22 ഞായറാഴ്ച വരെ നടക്കും. 2927 ഈസ്റ്റ് കാംബൽ അവന്യൂവിലുള്ള ദേവാലയത്തിൽ ദിവസവും വൈകിട്ട് 7 മുതൽ 9.30 വരെ നടക്കുന്ന കൺവൻഷൻ ഞായറാഴ്ച വിശുദ്ധ കുർബാനയോടെ സമാപിക്കും.
ക്രിസ്തീയ പ്രഭാഷകനും ന്യൂയോർക്ക് സെന്റ് തോമസ് ഇടവക അംഗവുമായ ബ്രദർ എബി ചെറിയാൻ മുഖ്യ സന്ദേശം നൽകും. തകർന്നവ പുനഃസ്ഥാപിക്കപ്പെടുന്നു എന്ന വിഷയത്തെ ആസ്പദമാക്കിയുള്ള ദൂതുകൾ നൽകപ്പെടും. യുവജനങ്ങൾക്കു വേണ്ടി പ്രത്യേക സെഷനുകളും കൺവൻഷന്റെ ഭാഗമായി ഉണ്ടായിരിക്കും.
ഇടവക വികാരി റവ. ഗീവർഗീസ് കൊച്ചുമ്മൻ, സെക്രട്ടറി കിരൺ കോശി, കൺവൻഷൻ കൺവീനർ രാജേഷ് മാത്യു എന്നിവർ അടങ്ങുന്ന കമ്മിറ്റി നേതൃത്വം നൽകുന്നു.
ഏവരേയും പ്രാർത്ഥനാപൂർവ്വം ക്ഷണിക്കുന്നതായി ഭാരവാഹികൾ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
