ഹൂസ്റ്റണിൽ എക്യൂമെനിക്കൽ ക്രിസ്മസ് കാരൾ- ഡിസംബർ 25ന്
Mail This Article
ഹൂസ്റ്റൺ∙ ഇന്ത്യൻ ക്രിസ്ത്യൻ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റണിന്റെ ആഭിമുഖ്യത്തിൽ എല്ലാ വർഷവും നടത്തി വരാറുള്ള ക്രിസ്മസ് ആഘോഷം ഡിസംബർ 25 നു വൈകിട്ട് 5 മണി മുതൽ വൈവിധ്യമാർന്ന പരിപാടികളോടെ നടത്തുന്നതിനുള്ള ഒരുക്കങ്ങൾ പൂർത്തിയായതായി ഭാരവാഹികൾ അറിയിച്ചു. സ്റ്റാഫോർഡിലുള്ള സെന്റ്.ജോസഫ് ദേവാലയ ഹാളിൽ വച്ചാണ് (303,Present St, Missouri City, TX 77489) കാരൾ നടത്തുന്നത്.
ഹൂസ്റ്റണിലുള്ള 18 ദേവാലയങ്ങൾ ഉൾപ്പെടുന്ന ഐസിഇസിഎച്ച് (ICECH) നേതൃത്വത്തിൽ ആഘോഷത്തിന്റെ വിജയകരമായ നടത്തിപ്പിനുവേണ്ടി വിപുലമായ കമ്മിറ്റികൾ പ്രവർത്തിച്ചു വരുന്നു. പങ്കെടുക്കുന്ന എല്ലാവരെയും ഉൾപ്പെടുത്തി ലക്കി ഡ്രോയും നടത്തുന്നതാണ്. നറുക്കെടുപ്പിലൂടെ വിജയികളാകുന്ന ആദ്യത്തെ മൂന്നു സമ്മാനാർഹർക്ക് വിലയേറിയ സമ്മാനങ്ങളും നൽകും.
വിശിഷ്ടാതിഥികളായി റവ. ഫാ. മാത്യൂസ് ജോർജ്, റവ. ഫാ. രാജീവ് വലിയവീട്ടിൽ എന്നിവർ ക്രിസ്തുമസ് സന്ദേശങ്ങൾ നൽകും. 18 ഇടവകകളിൽ നിന്നും ക്രിസ്തുമസ് സന്ദേശം ഉൾക്കൊള്ളുന്ന വിവിധ കലാപരിപാടികൾ അവതരിപ്പിക്കും. അതോടൊപ്പം തന്നെ എല്ലാ ഇടവകകളെയും പ്രതിനിധീകരിച്ച് 18 സാന്താക്ലോസുമാർ അണിനിരക്കുന്ന സ്റ്റേജ് ഷോയും ഉണ്ടായിരിക്കും. പ്രത്യേക ഫുഡ് സ്റ്റാളും ക്രമീകരിച്ചിട്ടുണ്ട്.
ഹൂസ്റ്റണിലെ എല്ലാ മലയാളി സുഹൃത്തുകളെയും കുടുംബസമേതം ഈ ആഘോഷ പരിപാടിയിലേക്ക് സ്വാഗതം ചെയ്യുന്നുവെന്നു ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്;
റവ. ഫാ. ഐസക്.ബി. പ്രകാശ് (പ്രസിഡണ്ട്) - 832 997 9788
റവ. ജേക്കബ് പി തോമസ് (വൈസ് പ്രസിഡന്റ്) - 832 898 8699
സെക്രട്ടറി എബി.കെ. മാത്യു (സെക്രട്ടറി) - 832 276 1055
ട്രഷറർ രാജൻ തോമസ് - 713 459 4704
ഷാജി പുളിമൂട്ടിൽ (പ്രോഗ്രാം കോർഡിനേറ്റർ) - 832 775 5366
റോബിൻ ഫിലിപ്പ് (പിആർഓ) - 713 408 4326