കോവിഡ്: കോവൂർ അച്ചൻകുഞ്ഞ് ന്യൂയോർക്കിൽ അന്തരിച്ചു

പത്തനംതിട്ട/ന്യൂയോർക്ക് ∙ റാന്നി അത്തിക്കയം മടന്തമൺ കോവൂർ അച്ചൻകുഞ്ഞ് (64) ന്യൂയോർക്കിൽ മരിച്ചു. കോവിഡ് ബാധിച്ച് ചികിൽസയിലായിരുന്നുവെന്ന് ബന്ധുക്കൾ അറിയിച്ചു. യുഎസിലെ കലാ സാഹിത്യ സാമൂഹിക രംഗത്തെ നിറസാന്നിധ്യമായിരുന്നു അദ്ദേഹം.

ഭാര്യയ്ക്കും മക്കൾക്കും ആദ്യം കോവിഡ് സ്ഥിരികരിച്ചിരുന്നു അവരെ പരിചരിച്ചത് ഇദ്ദേഹമായിരുന്നു. അങ്ങനെയാണ് അച്ചൻകുഞ്ഞിനും കോവിഡ് പിടിപെട്ടത്. കുടുംബസഹിതം വർഷങ്ങളായി ന്യൂയോർക്കിൽ താമസിക്കുകയായിരുന്ന അച്ചൻകുഞ്ഞ് അവിടെ റസ്റ്ററന്റ്് നടത്തുകയായിരുന്നു.