കാൽഗറിയിൽ രാമായണ മാസാചരണം

കാൽഗറി∙ രാമായണ മാസാചരണത്തിന്റെ ഭാഗമായി കർക്കിടകം ഒന്ന് മുതൽ ഓർഗസൈസേഷൻ ഓഫ് ഹിന്ദു മലയാളീസ്  കാൽഗറി രാമായണ പാരായണം തുടങ്ങി. വൈകിട്ട് 6.30 മുതൽ 7:30 വരെ  വീഡിയോ കോൺഫറൻസ് വഴി നടത്തുന്ന രാമായണ  പാരായണത്തിന് നേതൃത്വം നൽകുന്നത് ഉമാ ജയദേവൻ ആണ്. കുട്ടികൾ ഉൾപ്പെടെ നിരവധി കുടുംബങ്ങൾ ഇതിൽ പങ്കെടുത്തു വരുന്നു.

കുട്ടികൾക്ക്  ആദ്ധ്യത്മിക ജ്ഞാനവും സനാതന ധർമ്മബോധവും നൽകുന്നതിന് വേണ്ടി ഈ വർഷം  ഏപ്രിൽ മുതൽ എല്ലാ ദിവസവും വൈകുന്നേരങ്ങളിൽ സന്ധ്യാ നാമജപവും അർത്ഥവിവരണവും നടത്തിവരുന്നുണ്ട്. ഈയൊരു പ്രത്യേക സാഹചര്യത്തിൽ  വീഡിയോ കോൺഫറൻസ് വഴിയാണ് ഇതു നടത്തപ്പെടുന്നത്.