മാഗിന്റെ സൗജന്യ കോവിഡ് പരിശോധന
Mail This Article
×
ഹൂസ്റ്റൻ ∙ മലയാളി അസോസിയേഷൻ ഓഫ് ഗ്രേറ്റർ ഹൂസ്റ്റൻ (മാഗ്)ന്റെ നേതൃത്വത്തിൽ സൗജന്യ കോവിഡ് പരിശോധനാ ക്യാംപ് നടത്തുന്നു. ജനുവരി 22 ശനിയാഴ്ച കേരളാ ഹൗസിൽ വച്ചാണ് പരിശോധന നടക്കുക. രാവിലെ ഒൻപത് മുതൽ വൈകിട്ട് അഞ്ചു വരെ എത്തുന്ന എല്ലാവർക്കും ടെസ്റ്റ് നടത്തുമെന്ന് പ്രസിഡന്റ് അനിൽ ആറന്മുള, സെക്രട്ടറി രാജേഷ് വർഗീസ് എന്നിവർ അറിയിച്ചു.
ആർടിപിസിആർ പരിശോധനയാണ് നടത്തുക. മെഡിക്കൽ രംഗത്ത് ധാരാളം സൗജന്യ സേവനങ്ങൾ നടത്തിയിട്ടുള്ള ഇഎസ്ബി ഗ്രൂപ്പാണ് മാഗിനു വേണ്ടി ഈ പരിശോധന നടത്തുന്നത്. പരിശോധനാഫലം 24 മണിക്കൂറിനകം എല്ലാവർക്കും കൈപ്പറ്റാവുന്നതാണ്. ടെസ്റ്റുകൾ പൂർണ്ണമായും സൗജന്യമായിരിക്കുമെന്ന് സംഘാടകർ അറിയിച്ചു. അസോസിയേഷൻ അംഗങ്ങളും അല്ലാത്തവരും ഈ അവസരം വിനിയോഗിക്കണമെന്ന് അനിൽ ആറൻമുള അഭ്യർഥിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.