ഷിക്കാഗോ മലയാളി അസോസിയേഷന്റെ വാർഷിക പൊതുയോഗം ഒക്ടോബർ 30ന്

ഷിക്കാഗോ ∙ ഷിക്കാഗോ മലയാളി അസോസിയേഷന്റെ 2021–23 ഭരണ കാലഘട്ടത്തിലെ വാർഷിക പൊതുയോഗം ഒക്ടോബർ 30നു വൈകിട്ട് അഞ്ചു മണിക്ക് അസോസിയേഷൻ ഓഫീസിൽ (834 E, Ramd Rd., Ste #13, Mount Prospect, IL-60056) വച്ചു നടക്കുമെന്നു ഭാരവാഹികൾ അറിയിച്ചു.

അസോസിയേഷൻ പ്രസിഡന്റ് ജോഷി വള്ളിക്കളത്തിന്റെ അധ്യക്ഷതയിൽ ചേരുന്ന യോഗത്തിൽ സെക്രട്ടറി ലീല ജോസഫ് വാർഷിക റിപ്പോർട്ടും ട്രഷറർ ഷൈനി ഹരിദാസ് വാർഷിക കണക്കും അവതരിപ്പിക്കും. പ്രസ്തുത പൊതുയോഗത്തിൽ വച്ച് അസോസിയേഷന്റെ 50–ാം വാർഷികാഘോഷത്തിന്റെ ആലോചനയും വാർഷിക അംഗത്വ ഫീസ് ഓഫീസ് സംബന്ധിച്ച കാര്യങ്ങളും ചർച്ച ചെയ്യും.

പ്രസ്തുത പൊതുയോഗത്തിൽ അസോസിയേഷൻ അംഗങ്ങളെല്ലാവരും പങ്കെടുക്കണമെന്ന് പ്രസിഡന്റ് ജോഷി വള്ളിക്കളം (312 685 6749), ലീല ജോസഫ് (224 578 626), ട്രഷറർ ഷൈനി ഹരിദാസ്, ജോയിന്റ് സെക്രട്ടറി സിബിൽ ഫിലിപ്പ്, ജോയിന്റ് സെക്രട്ടറി വിവീഷ് ജേക്കബ് എന്നിവർ അറിയിച്ചു.