സാമന്ത വോളിന്റെ കൊലപാതകവുമായി ബന്ധപ്പെട്ട ഒരാളെ കസ്റ്റഡിയിൽ എടുത്തതായി പൊലീസ്

ഡിട്രോയിറ്റ് ∙ ഡിട്രോയിറ്റ് സിനഗോഗ് പ്രസിഡന്റ് സാമന്ത വോളിന്റെ കൊലപാതകത്തെക്കുറിച്ചുള്ള അന്വേഷണം തുടരുന്നതിനിടെ ഒരാളെ കസ്റ്റഡിയിലെടുത്തതായി ഡിട്രോയിറ്റ് പൊലീസ് ഡിപ്പാർട്ട്‌മെന്റ് ഞായറാഴ്ച രാത്രി അറിയിച്ചു. വോളിന്റെ മരണവുമായി ബന്ധപ്പെട്ട് തടവിലായിരുന്ന ഒരാളെ കുറ്റം ചുമത്താതെ വിട്ടയച്ച് ഒരു മാസത്തിന് ശേഷമാണ് പുതിയ നടപടി. അറസ്റ്റിലായ വ്യക്തിയെക്കുറിച്ച് കൂടുതൽ വിശദാംശങ്ങൾ പൊലീസ് നൽകിയിട്ടില്ല.

ഐസക് അഗ്രീ ഡൗൺടൗൺ സിനഗോഗിന്റെ ബോർഡ് പ്രസിഡന്റായ വോളിനെ ഒക്‌ടോബർ 21 ന് അവരുടെ വീടിന് പുറത്ത് ഒന്നിലധികം തവണ കുത്തേറ്റ നിലയിൽ കണ്ടെത്തുകയായിരുന്നു. യഹൂദ സമൂഹത്തിൽ വോളിന് പ്രധാന സ്ഥാനം ഉണ്ടായിരുന്നു. കൊലപാതകം യഹൂദ വിരുദ്ധതയാൽ നടപ്പിലാക്കിയതാണെന്നു സൂചിപ്പിക്കുന്ന തെളിവുകളൊന്നും ലഭിച്ചിട്ടില്ലെന്ന് ഡിട്രോയിറ്റ് പൊലീസ് മേധാവി ജെയിംസ് ഇ. വൈറ്റ് മുമ്പ് പറഞ്ഞിരുന്നു.