ഗാർഹിക പീഡനം : ഹാരിസ് കൗണ്ടി ജില്ലാ കോടതി ജഡ്ജി അറസ്റ്റിൽ

ഗാൽവെസ്റ്റൺ (ഹൂസ്റ്റൺ ) ∙ ഗാർഹിക പീഡന കേസിൽ ഹാരിസ് കൗണ്ടി ജഡ്ജി ഗാൽവെസ്റ്റൺ കൗണ്ടിയിൽ അറസ്റ്റിലായി. 66 കാരനായ ഫ്രാങ്ക് അഗ്വിലാർ ടീച്ച്‌മാൻ റോഡിലെ 9600 ബ്ലോക്കിൽ വച്ചാണ് പിടിയിലായത്. ഇയാൾ പങ്കാളിക്ക് നേരെ ദേഹോപദ്രവം നടത്തിയെന്നാണ് പുറത്ത് വരുന്ന റിപ്പോർട്ടുകൾ. ഹാരിസ് കൗണ്ടിയിലെ 228-ാമത് ജില്ലാ കോടതി ജഡ്ജി ഫ്രാങ്ക് അഗ്വിലാറിന് നേരെ മുൻപും സമാനമായ കേസുണ്ടായിരുന്നു. 

 2010 ൽ  ഡേറ്റിങ് നടത്തിയിരുന്ന സ്ത്രീയെ ആക്രമിച്ചതിന് അഗ്വിലാറിനെതിരെ  കുറ്റം ചുമത്തിയിരുന്നു, എന്നാൽ പിന്നീട് ഇയാൾ കുറ്റക്കാരനല്ലെന്ന് കണ്ടെത്തി കോടതി വെറുതെ വിടുകയായിരുന്നു.