ഇലോൺ മസ്കിനോട് ‘നോ’ പറഞ്ഞ് ‘മിസ്റ്റർ ബീസ്റ്റ്’; എക്സിൽ വിഡിയോ അപ്ലോഡ് ചെയ്യില്ലെന്ന് ജനപ്രിയ യൂട്യൂബറുടെ മറുപടി
Mail This Article
ന്യൂയോർക്ക്∙ ഇലോൺ മസ്കിന്റെ ഉടമസ്ഥതയിലുള്ള എക്സ് പ്ലാറ്റ്ഫോമിൽ താൻ വിഡിയോകൾ അപ്ലോഡ് ചെയ്യില്ലെന്ന് ജനപ്രിയ യൂട്യൂബർ മിസ്റ്റർ ബീസ്റ്റ് (MrBeast) പറഞ്ഞു. ജിമ്മി ഡൊണാൾഡ്സൺ എന്നയാളാണ് മിസ്റ്റർ ബീസ്റ്റ് പേരിൽ യൂട്യൂബിൽ അറിയപ്പെടുന്നത്. വിഡിയോകൾ നിർമ്മിക്കാൻ ദശലക്ഷക്കണക്കിന് ഡോളർ ചെലവ് വരും. എക്സിൽ അപ്ലോഡ് ചെയ്താൽ ചെലവിനുള്ള തുക ലഭിക്കില്ലെന്നും മിസ്റ്റർ ബീസ്റ്റ് പറഞ്ഞു. നേരത്തെ എക്സ് പ്ലാറ്റ്ഫോമിൽ വിഡിയോകൾ അപ്ലോഡ് ചെയ്യാൻ ഇലോൺ മസ്ക് മിസ്റ്റർ ബീസ്റ്റിനോട് അഭ്യർത്ഥിച്ചിരുന്നു. ഇത് തള്ളിയാണ് മിസ്റ്റർ ബീസ്റ്റ് രംഗത്ത്.
'എന്റെ വിഡിയോകൾ നിർമ്മിക്കാൻ ദശലക്ഷക്കണക്കിന് ഡോളർ ചെലവുണ്ട്. ഏക്സ് പ്ലാറ്റ്ഫോമിൽ ബില്യൻ കാഴ്ച്ചക്കാരെ ലഭിച്ചാലും നിർമ്മിക്കാൻ ആവശ്യമായ തുക ലഭിക്കില്ല. പ്ലാറ്റ്ഫോമിന്റെ ധനസമ്പാദന മാർഗ്ഗം കൂടുതൽ ശക്തമാക്കുന്ന പക്ഷം എക്സ് പ്ലാറ്റ്ഫോമിൽ വിഡിയോ അപ്ലോഡ് ചെയാമെന്ന് മിസ്റ്റർ ബീസ്റ്റ് പറഞ്ഞു. അതേസമയം, 2021-ൽ മിസ്റ്റർബീസ്റ്റ് 54 മില്യൻ ഡോളർ സമ്പാദിച്ചു. ഫോബ്സ് മാസിക പറയുന്നതനുസരിച്ച്, ജിമ്മി ഡൊണാൾഡ്സൺ പ്രതിമാസം ഏകദേശം 5 മില്യൻ ഡോളർ സമ്പാദിക്കുന്നുണ്ട്. യൂട്യൂബിൽ നിന്നും ഏറ്റവും ഉയർന്ന വരുമാനമുള്ള വ്യക്തികളിൽ ഒരാളാണ് ജിമ്മി ഡൊണാൾഡ്സൻ എന്നാണ് കരുതപ്പെടുന്നത്.