പൊലീസ് പിന്തുടർന്ന മോഷ്ടാക്കളുടെ വാഹനം അപകടത്തിൽപ്പെട്ടു; നാല് മരണം

ഡാലസ് ∙ ഇർവിങിൽ പൊലീസ് പിന്തുടരുന്നതിനിടെ വ്യാഴാഴ്ച പുലർച്ചെ ഡാലസ് ഡൗണ്ടൗണിനടുത്തുള്ള ഇന്‍റർസ്റ്റേറ്റ് 35 ഇ റാമ്പിൽ ഇടിച്ചുണ്ടായ അപകടത്തിൽ നാല് പേർ മരിച്ചു. ഉദ്യോഗസ്ഥർ പിന്തുടരുന്ന വാഹനത്തിലുണ്ടായിരുന്ന എല്ലാവരും മരിച്ചതായിട്ടാണ് റിപ്പോർട്ടുകൾ. 

അപകടത്തെത്തുടർന്ന് റോഡിൽ ഗതാഗത നിയന്ത്രണം ഏർപ്പെടുത്തി. മോഷ്ടിച്ച വാഹനമാണെന്ന സംശയിച്ചാണ് പൊലീസ് ഇവരെ പിന്തുടർന്നത്. അമിതവേഗതയിൽ സഞ്ചരിച്ച  വാഹനം നിയന്ത്രണം നഷ്ടപ്പെട്ട് റാമ്പിൽ  ഇടിക്കുന്നതുവരെ പൊലീസ് ഇവരെ പിന്തടുർന്നു. പകടത്തിൽ മരിച്ചവരുടെ പേരുവിവരങ്ങൾ പുറത്തുവിട്ടിട്ടില്ല.