കെ.ജെ. യേശുദാസിനെ ഡാലസിലെ വസതിയിൽ സന്ദർശിച്ച് മോഹൻലാൽ

ഡാലസ് ∙  ഡാലസിലെ വസതിയിൽ ഗാനഗന്ധർവൻ കെ.ജെ. യേശുദാസിനെ മോഹൻലാൽ സന്ദർശിച്ചു. മലയാളികളുടെ അഭിമാനമായ രണ്ട് അതുല്യ പ്രതിഭകളെ ഒരേ ഫ്രെയിമിൽ കാണാൻ കഴിഞ്ഞതിന്റെ ആവേശത്തിലാണ് ആരാധകർ. യേശുദാസിനെ കാണാൻ മോഹൻലാൽ സുഹൃത്തുക്കൾക്ക് ഒപ്പമാണ് എത്തിയത്. പ്രിയപ്പെട്ട ദാസേട്ടനെ അദ്ദേഹത്തിന്റെ വീട്ടിൽ ചെന്ന് കാണാൻ കഴിഞ്ഞതിന്റെ സന്തോഷത്തിൽ എന്ന കുറിപ്പോടെ മോഹൻലാൽ ചിത്രങ്ങൾ സമൂഹമാധ്യമങ്ങളിൽ പങ്കുവച്ചു. സംവിധാനം ചെയ്യുന്ന ആദ്യ ചിത്രമായ ബറോസിന്റെ ഭാഗമായി അമേരിക്കയിൽ എത്തിയതായിരുന്നു മോഹൻലാൽ.