ഹൂസ്റ്റണിൽ രണ്ട് സ്ത്രീകളെ അക്രമി വെടിവച്ച് കൊലപ്പെടുത്തി

ഹൂസ്റ്റൺ ∙ കഴിഞ്ഞ ദിവസം നോർത്ത് വെസ്റ്റ് ഹൂസ്റ്റണിലെ 133 ഇ 37-ാം സ്ട്രീറ്റിലുണ്ടായ വെടിവെപ്പിൽ രണ്ട് സ്ത്രീകൾ കൊല്ലപ്പെട്ടു. പുലർച്ചെയാണ് ആക്രമണമുണ്ടായത്. നീല ഹൂഡിയും കാമഫ്ലേജ് പാന്‍റും മുഖംമൂടിയും കറുത്ത ഷൂസും കറുത്ത കയ്യുറകളും ധരിച്ച് ഒരാൾ പൂമുഖത്ത് ഇരിക്കുകയായിരുന്ന സ്ത്രീകളെ വേലിക്ക് പിന്നിൽ നിന്ന് വെടിവയ്ക്കുകയായിരുന്നു എന്നാണ് വിവരം. ഇരുവരും  സംഭവ സ്ഥലത്ത് വച്ച് തന്നെ മരിച്ചു. കൊല്ലപ്പെട്ടവരിൽ നാല് കുട്ടികളുടെ മാതാവ് അറെഡോണ്ടോയെ തിരിച്ചറിഞ്ഞു. കേസിൽ അന്വേഷണം നടന്ന് വരികയാണെന്ന് പൊലീസ് അറിയിച്ചു.