നവകേരള മലയാളി അസോസിയേഷൻ കുടുംബസംഗമം സംഘടിപ്പിച്ചു

സൗത്ത് ഫ്ലോറിഡ ∙ നവകേരള മലയാളി അസോസിയേഷൻ ഓഫ് ഫ്ലോറിഡ കുടുംബസംഗമം  സംഘടിപ്പിച്ചു. മാതാപിതാക്കളും, യുവജനങ്ങളും, കൊച്ചുകുട്ടികളും ഒന്നുചേർന്ന് ആടിപാടിയും, സൗഹൃദ കായിക മത്സരങ്ങൾ നടത്തിയും, വ്യത്യസ്തങ്ങളായ അമേരിക്കൻ - മലയാളി ഭക്ഷണങ്ങൾ  പാചകം ചെയ്ത് പങ്ക് വെക്കുകയും ചെയ്തപ്പോൾ കുടുംബസംഗമം  അവിസ്‌മരണീയമായി.

നവകേരള മലയാളി അസോസിയേഷൻ കെട്ടിപ്പടുക്കാൻ നേതൃത്വം നൽകിയവരും, തുടർന്ന് സംഘടനയുടെ യശസ്സ് കാത്തു പരിപാലിച്ച മുൻ പ്രസിഡന്‍റുമാരും, മുൻ ഭാരവാഹികളും ഉൾപ്പെടെ  മൂന്ന്  തലമുറയുടെ സംഗമമായിരുന്നു  നടന്നത്.