ഇപിഎഫ് പലിശ കൂട്ടില്ലെന്നു സൂചന

 ന്യൂഡൽഹി ∙ എംപ്ലോയീസ് പ്രോവിഡന്റ് ഫണ്ട് (ഇപിഎഫ്) നിക്ഷേപങ്ങൾക്ക് 2018–19 ൽ 8.55% പലിശ തന്നെ തുടരുമെന്നു സൂചന. 21–ന് ഇപിഎഫ് ഓർഗനൈസേഷന്റെ യോഗം ചേരുന്നുണ്ട്. പൊതുതിരഞ്ഞെടുപ്പിനു മുൻപുള്ള യോഗമെന്ന നിലയ്ക്ക്, നിരക്ക് ഉയർത്താൻ തീരുമാനമുണ്ടാകുമെന്ന പ്രചാരണം ശക്തമാണ്. എന്നാൽ ഇതിനു സാധ്യതയില്ലെന്ന് ഉദ്യോസ്ഥർ പറയുന്നു. തൊഴിൽ മന്ത്രി അധ്യക്ഷനായ ഇപിഎഫ്ഒ ട്രസ്റ്റികളുടെ ബോർഡ് ആണു പലിശനിരക്കുകൾ സംബന്ധിച്ച് തീരുമാനമെടുക്കുക. ഇത് ധനമന്ത്രാലയം അംഗീകരിക്കണം.