ടാറ്റ ടിഗോർ ഓട്ടമാറ്റിക് പതിപ്പ് വിപണിയിൽ

കൊച്ചി∙ ടാറ്റ മോട്ടോഴ്സ് കോംപാക്ട് സെഡാൻ ടിഗോറിന് ഓട്ടമാറ്റിക് ഗിയറുള്ള രണ്ടു പതിപ്പുകൾ അവതരിപ്പിച്ചു. എക്സ്എംഎ (ഡൽഹി ഷോറൂം വില 6.39 ലക്ഷം രൂപ), എക്സ്‌സെഡ്എപ്ലസ് (7.24 ലക്ഷം രൂപ) എന്നീ വേരിയന്റുകൾ 1.2 ലീറ്റർ പെട്രോൾ എൻജിൻ സഹിതമാണെത്തുന്നത്.5– സ്പീഡ് എഎംടി ആണു ഗിയർ സംവിധാനം. എക്സ്‌സെഡ്എപ്ലസ് എന്ന ഏറ്റവും ഉയർന്ന വേരിയന്റിൽ 7ഇഞ്ച് ടച്സ്ക്രീൻ, ആൻഡ്രോയ്ഡ് ഓട്ടോ, ആപ്പിൾ കാർ പ്ലേ, ഹർമാൻ 8– സ്പീക്കർ സിസ്റ്റം, 15 ഇ‍ഞ്ച് അലോയ്‌വീൽ തുടങ്ങി അനേകം സവിശേഷതകളുണ്ട്.