കയറ്റുമതിയും ഇറക്കുമതിയും കുത്തനെ കുറഞ്ഞു

ന്യൂഡൽഹി∙ ഇന്ത്യയുടെ കയറ്റുമതി വരുമാനം മേയിൽ മുൻ കൊല്ലം മേയിലെക്കാൾ 36.5% ഇടിഞ്ഞ് 1905 കോടി ഡോളറായി. പെട്രോളിയം, തുണി, വജ്രം, സ്വർണാഭരണം തുടങ്ങിയ മേഖലകളിലെ കയറ്റുമതി ഇടിഞ്ഞതാണു തിരിച്ചടിയായത്. അതേസമയം, കയറ്റുമതിയിലെ ഇടിവ് 51% ആണ്. ചെലവ് 2220 കോടി ഡോളർ. ഇറക്കുമതിച്ചെലവും കയറ്റുമതിവരുമാനവും തമ്മിലുള്ള വ്യത്യാസമായ വ്യാപാരക്കമ്മി 315 കോടി ഡോളറാണ്; 1536 കോടി ഡോളറായിരുന്നു കഴിഞ്ഞ വർഷം മേയിൽ.എണ്ണ ഇറക്കുമതി 2019 മേയിൽ 1244 കോടി ഡോളറിന്റേതായിരുന്നെങ്കിൽ ഇക്കുറി അത് 349 കോടി ഡോളർ മാത്രം; ഇടിവ് 72%.  സ്വർണം ഇറക്കുമതിച്ചെലവ് 98.4% താഴ്ന്ന് 7.63 കോടി ഡോളറായി.