ബിഎസ്–6 ഡീസൽ എൻജിനോടെ ഹ്യുണ്ടായ് എലാൻട്ര

ന്യൂഡൽഹി∙ ഹ്യുണ്ടായ് എലാൻട്ര ബിഎസ്–6 ഡീസൽ എൻജിനോടെയും ലഭ്യമാക്കി. 115എച്ച്പി കരുത്തുള്ള 1.5 ലീറ്റർ എൻജിനാണ്. ബിഎസ്–6 പെട്രോൾ എൻജിൻ നേരത്തേ അവതരിപ്പിച്ചിരുന്നു. 18.70 ലക്ഷം രൂപ (മാനുവൽ), 20.65 ലക്ഷം രൂപ (ഓട്ടമാറ്റിക്) എന്നിങ്ങനെ ഷോറൂം വിലയുള്ള 2 വേരിയന്റുകളാണു ഡീസൽ പതിപ്പിന്. പെട്രോൾ വേരിയന്റുകളുടെ വില 17.60 ലക്ഷത്തിൽ തുടങ്ങുന്നു. എക്സിക്യൂട്ടിവ് സെഡാനായ എലാൻട്രയിൽ ഒട്ടേറെ ആധുനിക സൗകര്യങ്ങളുണ്ടെന്ന് ഹ്യുണ്ടായ് മോട്ടോർ ഇന്ത്യ സിഇഒ. എസ്.എസ്. കിം പറഞ്ഞു.