കൊച്ചി–ബെംഗളൂരു വ്യവസായ ഇടനാഴി: 346 കോടി കൈമാറി

industry.
SHARE

തിരുവനന്തപുരം∙ കൊച്ചി–ബെംഗളൂരു വ്യവസായ ഇടനാഴി പദ്ധതിക്കു പാലക്കാട് സ്ഥലമേറ്റെടുക്കാൻ കിൻഫ്രയ്ക്കു 346 കോടി രൂപ കൈമാറി. മുഖ്യമന്ത്രി പിണറായി വിജയനാണു കിഫ്ബിയിൽ നിന്നുള്ള തുക ഡിജിറ്റൽ ആയി കൈമാറിയത്. മന്ത്രി ഇ.പി.ജയരാജൻ, കിഫ്ബി സിഇഒ കെ.എം.ഏബ്രഹാം എന്നിവർ പങ്കെടുത്തു. കണ്ണൂർ, പാലക്കാട് ജില്ലകളിലായി 12710 കോടി രൂപയുടെ വ്യവസായ അടിസ്ഥാന സൗകര്യവികസന പദ്ധതിക്കാണ് കിഫ്ബി അനുമതി നൽകിയത്. പാലക്കാട് കണ്ണമ്പ്രയിൽ 470 ഏക്കർ സ്ഥലമാണ് ഏറ്റെടുക്കുക. ഇതിന്റെ ആദ്യഘട്ടമായ 292 ഏക്കർ ഏറ്റെടുക്കാനാണു 346 കോടി കൈമാറിയത്. പാലക്കാട് ജില്ലയിലെ ഒഴലപ്പതി, പുതുശേരി എന്നിവിടങ്ങളിൽ 1038 കോടി രൂപ ചെലവിൽ 1351 ഏക്കർ ഏറ്റെടുക്കാനും കിഫ്ബി അനുമതി നൽകിയിട്ടുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN BUSINESS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA