ഓൺലൈൻ റമ്മി കളിച്ച് പണം നഷ്ടപ്പെട്ട യുവാവ് ജീവനൊടുക്കിയ വേദനാജനകമായ വാർത്ത ഈയിടെ നമ്മൾ വായിച്ചു. ഷോപ്പിങ് സൈറ്റുകളടക്കമുള്ള സൈബറിടങ്ങളിൽ വളരെയധികം സമയം ചെലവഴിക്കുന്നവരുടെ എണ്ണം ലോകമെമ്പാടും വലിയ സാമൂഹികാരോഗ്യ പ്രശ്നമായി മാറുന്നു, ഒരു വ്യക്തിയുടെ മാനസികാരോഗ്യവും ചുറ്റുപാടുമുള്ള സാഹചര്യവുമൊക്കെ ആസക്തികൾക്ക് (addiction) പിന്നിൽ പ്രവർത്തിക്കുന്നതിനെകുറിച്ച് ചർച്ചകളുണ്ടാവുന്നുണ്ട്.
