മുത്തൂറ്റ് ഫിനാൻസ് കടപ്പത്രങ്ങളുടെ റേറ്റിങ് ഉയർത്തി

കൊച്ചി∙ മുത്തൂറ്റ് ഫിനാൻസിന്റെ ദീർഘകാല കടപ്പത്രങ്ങൾക്കുള്ള ഐസിആർഎ റേറ്റിങ് എഎ പ്ലസ് (സ്റ്റേബിൾ) ആയി ഉയർത്തി. ഇതുവരെ എഎ (സ്റ്റേബിൾ) എന്നതായിരുന്നു റേറ്റിങ്.സാമ്പത്തിക ബാധ്യതകൾ കൃത്യസമയത്തു പാലിക്കുന്നതിലുള്ള ഉയർന്ന സുരക്ഷയാണു പുതിയ റേറ്റിങ് സൂചിപ്പിക്കുന്നതെന്ന് മുത്തൂറ്റ് ഫിനാൻസ് അറിയിച്ചു. ഇതുവരെ 24 എൻസിഡി (ഓഹരിയാക്കിമാറ്റാനാകാത്ത കടപ്പത്രം) ഇഷ്യുകളിലൂടെ കമ്പനി 17,392 കോടി രൂപ ശേഖരിച്ചിട്ടുണ്ട്.