എംആർഎഫ് പ്രവർത്തന വരുമാനം ഉയർന്നു

ചെന്നൈ ∙ ടയർ ഉൽപാദന മേഖലയിലെ പ്രമുഖരായ എംആർഎഫിന്റെ രണ്ടാം പാദത്തിൽ പ്രവർത്തന വരുമാനം 4,244.43 കോടി രൂപയിൽ നിന്ന് 4,907.81 കോടി രൂപയായി ഉയർന്നു. 2022 മാർച്ച് 31 ന് അവസാനിക്കുന്ന സാമ്പത്തിക വർഷത്തിൽ ഒരു ഓഹരിക്ക് 3 രൂപ (30 ശതമാനം) ഇടക്കാല ലാഭവിഹിതം പ്രഖ്യാപിച്ചിട്ടുണ്ട്. ഇത് അടുത്ത മാസം നൽകും.സെപ്റ്റംബർ 30ന് അവസാനിച്ച രണ്ടാം പാദത്തിൽ ലാഭം 53.99% ഇടിഞ്ഞ് 189.06 കോടി രൂപയായി. കഴിഞ്ഞ സാമ്പത്തിക വർഷം ജൂലൈ-സെപ്റ്റംബർ കാലയളവിൽ അറ്റാദായം 410.92 കോടി രൂപയായിരുന്നു.