നാണ്യപ്പെരുപ്പം മുകളിലേക്കു തന്നെ

ന്യൂഡൽഹി∙ മൊത്തവ്യാപാര വില അടിസ്ഥാനമാക്കിയുള്ള നാണ്യപ്പെരുപ്പം നവംബറിൽ 14.23%. പത്തു വർഷത്തെ ഉയർന്ന നിരക്കാണിത്. മിനറൽ ഓയിൽ, ലോഹങ്ങൾ, ക്രൂഡ് പെട്രോളിയം, പ്രകൃതി വാതകം തുടങ്ങിയവയുടെ വിലക്കയറ്റമാണ് കാരണം. കഴിഞ്ഞ ഏപ്രിൽ മുതൽ നാണ്യപ്പെരുപ്പം ഇരട്ട അക്കത്തിൽ തുടരുകയാണ്. 

ഒക്ടോബറിൽ നാണ്യപ്പെരുപ്പം 12.54% ആയിരുന്നു. 2020 നവംബറിൽ 2.29 ശതമാനവും. ക്രൂഡ് പെട്രോളിയം നാണ്യപ്പെരുപ്പം 91.74% ആണ്. ഒക്ടോബറിൽ 80.57%. ഇന്ധന– ഊർജ വിഭാഗത്തിൽ 39.81%. ഒക്ടോബറിൽ 37.18%. ഭക്ഷ്യ വസ്തുക്കളിൽ 6.70%. ഒക്ടോബറിൽ 3.06%. നിർമിത വസ്തുക്കളിൽ മാത്രമാണ് നാണ്യപ്പെരുപ്പം കുറഞ്ഞത്. ഒക്ടോബറിൽ 12.04% ആയിരുന്നത് കഴിഞ്ഞമാസം 11.92% ആയി.