2019-20 നികുതി റിട്ടേൺ: ഇ–വെരിഫിക്കേഷൻ നീട്ടി

ന്യൂഡൽഹി∙ 2019–20 വർഷത്തെ ആദായനികുതി റിട്ടേൺ ഇ–വെരിഫൈ ചെയ്യാത്തവർക്ക് ഫെബ്രുവരി 28 വരെ സമയം അനുവദിച്ചു. ഡിജിറ്റൽ സിഗ്നേച്ചറില്ലാതെ ഫയൽ ചെയ്യുന്ന റിട്ടേൺ ആധാർ ഒടിപി പോലെയുള്ള സംവിധാനങ്ങളിലൂടെ 120 ദിവസത്തിനുള്ളിൽ ഇ–വെരിഫൈ ചെയ്യണമെന്നാണ് ചട്ടം. ഇത് ചെയ്യാത്ത പക്ഷം റിട്ടേൺ അപൂർണമായി കണക്കാക്കും. ഒട്ടേറെ റിട്ടേണുകളുടെ ഇ–വെരിഫിക്കേഷൻ പൂർത്തിയാക്കിയിട്ടില്ലെന്നു ശ്രദ്ധയിൽപ്പെട്ടതിനെത്തുടർന്നാണ് സമയം നീട്ടിയത്.