വിദേശ നിക്ഷേപകർക്ക് കൂടുതൽ ഇളവ്

മുംബൈ∙ വിദേശ നാണ്യത്തിന്റെ വരവ് വർധിപ്പിക്കാൻ ചട്ടങ്ങളിൽ ഇളവു നൽകി റിസർവ് ബാങ്ക്. വിദേശത്തുനിന്നുള്ള വാണിജ്യ കടമെടുപ്പ്(ഇസിബി) പരിധി പ്രതിവർഷം 75 കോടി ഡോളർ എന്നത് 150 കോടി ഡോളറാക്കി ഉയർത്തി. വിദേശ ഓഹരി നിക്ഷേപകർക്ക് ഹ്രസ്വകാല കോർപറേറ്റ് കടപ്പത്രങ്ങൾ, കൂടുതൽ സർക്കാർ ബോണ്ടുകൾ എന്നിവ വാങ്ങാമെന്നത് അടക്കമുള്ള ഇളവുകളും നൽകി. ഡോളറിനെതിരെ രൂപയുടെ മൂല്യം ഇടിയുന്നത് തുടരുന്ന സാഹചര്യത്തിലാണ് നടപടി. ഈ വർഷം ഇതുവരെ നേരിട്ടത് 6 ശതമാനം ഇടിവ്. വിദേശനാണ്യ കരുതൽ ശേഖരത്തിൽ  9 മാസത്തിനിടെ 5000 കോടി ഡോളറിന്റെ കുറവുണ്ടായി.