ചെറിയ നേട്ടത്തോടെ ഓഹരി സൂചികകൾ

മുംബൈ∙ ഓഹരി സൂചികകൾ നേരിയ നേട്ടത്തോടെ ക്ലോസ് ചെയ്തു. സെൻസെക്സ്  89.13 പോയിന്റും നിഫ്റ്റി 15.50 പോയിന്റും ഉയർന്ന് യഥാക്രമം 58,387.93 പോയിന്റിലും 17,397.50 പോയിന്റിലും ക്ലോസ് ചെയ്തു. റിസർവ് ബാങ്കിന്റെ പലിശ വർധന പ്രഖ്യാപനം, രൂപയുടെ മെച്ചപ്പെട്ട സ്ഥിതി, വിദേശ ഫണ്ടുകളുടെ വരവ്, എണ്ണവിലയുടെ കുറവ് എന്നിവയെല്ലാം ചേർന്ന അനുകൂല അവസ്ഥയിലാണ് വിപണികളുടെ വാരാന്ത്യ നേട്ടം. 

ഒരുഘട്ടത്തിൽ 350 പോയിന്റ് ഉയർന്ന ശേഷമാണ് സെൻസെക്സ് മങ്ങിയത്. അൾട്രാടെക് സിമന്റ് ആയിരുന്നു  ഏറ്റവും നേട്ടം കൊയ്ത ഓഹരി (2.86%). ഐസിഐസിഐ ബാങ്ക്, ഭാരതി എയർടെൽ, പവർഗ്രിഡ്, ഇൻഫോസിസ്, വിപ്രോ, ആക്സിസ് ബാങ്ക് എന്നിവയും നേട്ടത്തിൽ ക്ലോസ് ചെയ്തു.