ഇലക്ട്രിക് ബാറ്ററികളുടെ സുരക്ഷ: നടപടികൾ ഒക്ടോബർ മുതൽ

ന്യൂഡൽഹി∙ ഇലക്ട്രിക് ബാറ്ററികളുടെ സുരക്ഷാ മാനദണ്ഡങ്ങൾ സംബന്ധിച്ച് ഒക്ടോബർ ഒന്നു മുതൽ ഏർപ്പെടുത്താൻ നിശ്ചയിച്ചിരുന്ന നടപടികൾ 2 ഘട്ടമായി നടപ്പാക്കാൻ ഗതാഗതമന്ത്രാലയം തീരുമാനിച്ചു. ആദ്യ ഘട്ടം ഒക്ടോബർ ഒന്നിനും രണ്ടാംഘട്ടം 2023 മാർച്ച് 31നും ആയിരിക്കും നടപ്പാക്കുക. ഇലക്ട്രിക് വാഹനങ്ങളുടെ ബാറ്ററികൾ പൊട്ടിത്തെറിക്കുന്ന സംഭവങ്ങൾ വർധിച്ച സാഹചര്യത്തിലാണ് നിർമാതാക്കൾക്ക് സുരക്ഷാ മാനദണ്ഡങ്ങളിൽ ഓട്ടമോട്ടീവ് ഇൻഡസ്ട്രി സ്റ്റാൻഡാർഡിന് അനുസൃതമായി  ഭേദഗതികൾ കൊണ്ടുവന്നത്.