അടിസ്ഥാന വ്യവസായ വളർച്ച തീരെക്കുറവ്

ന്യൂഡൽഹി∙ ഒക്ടോബറിൽ 8 അടിസ്ഥാന വ്യവസായരംഗങ്ങളിലുണ്ടായത് 2021 ഒക്ടോബറിലെക്കാൾ 0.1% വളർച്ച മാത്രം. ക്രൂഡ് ഓയിൽ, പ്രകൃതിവാതകം, റിഫൈനറി ഉൽപന്നങ്ങൾ, സിമന്റ് എന്നീ വ്യവസായങ്ങൾ മുൻകൊല്ലത്തെക്കാൾ പിന്നാക്കം പോയി. രാസവളം 5.4%, കൽക്കരി 3.6%, ഉരുക്ക് 4%, വൈദ്യുതി 0.4% എന്നിങ്ങനെ വളർച്ച നേടി. 20 മാസത്തിനിടയിലെ ഏറ്റവും താഴ്ന്ന വളർച്ചനിരക്കാണ് അടിസ്ഥാനവ്യവസായമേഖല മൊത്തത്തിൽ നേടിയത്. രാജ്യത്തിന്റെ വ്യവസായ സൂചികയിൽ 40.27% പങ്കാളിത്തം ഈ വ്യവസായങ്ങൾക്കാണ്.