20,000 പേരെ പിരിച്ചുവിടാൻ ആമസോൺ

ന്യൂഡൽ‍ഹി∙ ഇ–കൊമേഴ്സ് ഭീമനായ ആമസോൺ 20,000 പേരെ പിരിച്ചുവിടാൻ ഒരുങ്ങുന്നതായി റിപ്പോർട്ടുകൾ. ലോകത്തിന്റെ വിവിധ ഭാഗങ്ങളിലെ വിതരണകേന്ദ്രങ്ങളിൽ നിന്നായിരിക്കും പ്രധാനമായും പിരിച്ചുവിടലെന്നാണ് സൂചന. ഇതിനു പുറമേ ടെക്നോളജി, കോർപറേറ്റ് എക്സിക്യൂട്ടീവ് വിഭാഗങ്ങളിൽ നിന്നും പിരിച്ചുവിടലിന് സാധ്യതയുണ്ട്.   ആദ്യം 10,000 പേരെ പിരിച്ചുവിടാനാണ് തീരുമാനിച്ചിരുന്നതെങ്കിലും പിന്നീട് എണ്ണം കൂട്ടുകയായിരുന്നുവെന്നാണ് റിപ്പോർട്ട്. ചെലവുചുരുക്കലിന്റെ ഭാഗമായാണ് നീക്കം.