സ്മാർട് ഫോൺ കയറ്റുമതിയിൽ റെക്കോർഡിട്ട് ആപ്പിൾ

ന്യൂഡൽഹി∙ ഇന്ത്യയിൽനിന്ന് ഒരു മാസം 100 കോടിഡോളറിന്റെ(8100 കോടി രൂപ)  സ്മാർട് ഫോൺ കയറ്റിയയച്ച ആദ്യ കമ്പനിയായി ആപ്പിൾ. ഡിസംബറിലാണ് കമ്പനി റെക്കോർഡിട്ടത്. ആദ്യമായി ആകെ 10000 കോടിയിലേറെ രൂപയുടെ ഫോൺ കയറ്റുമതിയെന്ന നേട്ടവും ഡിസംബറിൽ ഇന്ത്യ നേടി. 

സാംസങ്, ആപ്പിൾ എന്നീ കമ്പനികളാണ് ഇന്ത്യയിൽനിന്ന് ഏറ്റവും കൂടുതൽ ഫോൺ കയറ്റുമതി ചെയ്യുന്നത്. കഴിഞ്ഞ നവംബർ, ഡിസംബർ മാസങ്ങളിൽ സാംസങ്ങിനെ മറികടന്ന് ആപ്പിളാണ് കയറ്റുമതിയിൽ മുന്നിൽ. രാജ്യത്ത് മൂന്ന് ഉൽപാദകരാണ് ആപ്പിളിനു വേണ്ടി ഫോണുകൾ നിർമിക്കുന്നത്.