പ്രത്യക്ഷ നികുതി വരുമാനത്തിൽ 18% വർധന

ന്യൂഡൽഹി∙ 2022–23 സാമ്പത്തിക വർഷം രാജ്യത്തെ പ്രത്യക്ഷ നികുതി വരുമാനം 18 ശതമാനം ഉയർന്ന് 16.61 ലക്ഷം കോടി രൂപ. മുൻവർഷം 14.12 ലക്ഷം കോടി ആയിരുന്നു. ആകെ പ്രത്യക്ഷ നികുതി വരുമാനം 20.33 ശതമാനം ഉയർന്ന് 19.68 ലക്ഷം കോടി രൂപയാണ്. മുൻവർഷം ഇത് 16.36 ലക്ഷം കോടി. 14.20 ലക്ഷം കോടിയായിരുന്നു ബജറ്റ് എസ്റ്റിമേറ്റ്. ഇതു പിന്നീട് 16.50 ആയി ഉയർത്തി. ഇതും കടത്തിവെട്ടിയാണ് വരുമാനം ഉയർന്നത്. 3.07 ലക്ഷം കോടി രൂപ റീഫണ്ട് ആയി നൽകി.