അറ്റാദായത്തിൽ 90% വളർച്ചയുമായി കാനറ ബാങ്ക്
![Canara Bank Pathanamthitta Canara Bank Pathanamthitta](https://img-mm.manoramaonline.com/content/dam/mm/mo/news/just-in/images/2021/5/12/Canara-Bank-Pathanamthitta.jpg?w=1120&h=583)
Mail This Article
×
മുംബൈ∙ കഴിഞ്ഞ സാമ്പത്തിക വർഷത്തിന്റെ നാലാംപാദത്തിൽ കാനറ ബാങ്ക് അറ്റാദായത്തിൽ 90.63% വളർച്ച നേടി. കഴിഞ്ഞ സാമ്പത്തിക വർഷം ഇതേ പാദത്തിൽ 1666.22 കോടി രൂപയായിരുന്ന അറ്റാദായം 3174.74 കോടി രൂപയായാണ് ഉയർന്നത്. പലിശ വരുമാനം ഉയർന്നതാണു നേട്ടത്തിന്റെ കാരണം. നാലാംപാദത്തിലെ പലിശവരുമാനം 23% ഉയർന്ന് 8616 കോടി രൂപയിലെത്തി. മുൻവർഷം ഇതേ പാദത്തിൽ 7006 കോടി രൂപയായിരുന്നു.
സ്വർണവായ്പയിൽ 33.82 ശതമാനമാണു വർധന. നിഷ്ക്രിയാസ്തി കഴിഞ്ഞ പാദത്തെക്കാൾ 2.16% കുറഞ്ഞു. കഴിഞ്ഞ സാമ്പത്തിക വർഷത്തിൽ ബാങ്കിന്റെ ലാഭം 10,603.76 കോടിയായി ഉയർന്നു. മുൻവർഷം ഇത് 5678.42 കോടിയായിരുന്നു. ആദ്യമായാണ് ലാഭം 10,000 കോടി കടക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.