വൊഡാഫോണിൽ കൂട്ടപ്പിരിച്ചുവിടൽ

ബ്രിട്ടിഷ് ടെലികമ്യൂണിക്കേഷൻ കമ്പനിയായ വൊഡാഫോൺ 11,000 ജീവനക്കാരെ മൂന്നു വർഷത്തിനുള്ളിൽ പിരിച്ചുവിടും. കമ്പനിയുടെ പ്രകടനം ഇപ്പോൾ മോശമാണെന്നും ചെലവു കുറച്ചെങ്കിൽ മാത്രമേ മത്സരക്ഷമത തിരിച്ചുകൊണ്ടുവരാനാകൂ എന്നും പുതിയ ചീഫ് എക്സിക്യൂട്ടീവ് മാർഗരിറ്റ ഡെല്ല വാലെ പറഞ്ഞു.

ആമസോൺ ഇന്ത്യ 500 ജീവനക്കാരെ പിരിച്ചുവിടും

500 ജീവനക്കാരെക്കൂടി പിരിച്ചുവിടുമെന്ന് ആമസോൺ ഇന്ത്യ. ആമസോൺ വെബ് സർവീസിൽ നിന്നാണ് പിരിച്ചുവിടൽ. 9000 ജീവനക്കാരെ പിരിച്ചുവിടുമെന്ന് കഴിഞ്ഞ മാർച്ചിൽ കമ്പനി പ്രഖ്യാപിച്ചിരുന്നു.