മെറ്റ കൂട്ടപ്പിരിച്ചുവിടൽ: അധികച്ചെലവ് 8000 കോടി

വാഷിങ്ടൻ ∙ 21,000 ജീവനക്കാരെ പിരിച്ചുവിടാൻ ഫെയ്സ്ബുക് മാതൃസ്ഥാപനമായ മെറ്റയ്ക്ക് അധികമായി ചെലവാകുന്നത് 8,000 കോടി രൂപ. യുഎസ് സെക്യൂരിറ്റീസ് ആൻഡ് എക്സ്ചേഞ്ച് കമ്മിഷനുള്ള റിപ്പോർട്ടിലാണ് പിരിച്ചുവിടലിന്റെ അധികച്ചെലവ്  കമ്പനി അവതരിപ്പിച്ചിരിക്കുന്നത്. ജോലി നഷ്ടമാകുന്നവർക്ക് കമ്പനി നൽകുന്ന നഷ്ടപരിഹാരമാണ് തുകയുടെ സിംഹഭാഗം. വിവിധ ഘട്ടങ്ങളിലായാണ് മെറ്റ ഇന്ത്യയുൾപ്പെടെയുള്ള രാജ്യങ്ങളിലെ ഓഫിസുകളിൽ നിന്നായി 21,000 ജീവനക്കാരെ പിരിച്ചുവിട്ടത്.