സിഇഒയായി ലിൻഡ ചുമതലയേറ്റു, ജോ ബെനറോക്കും ട്വിറ്ററിലേക്ക്

 ട്വിറ്റർ സിഇഒ ആയി ലിൻഡ യാക്കറിനോ ചുമതലയേറ്റു. അമേരിക്കൻ മാധ്യമസ്ഥാപനമായ എൻബിസി യൂണിവേഴ്സലിന്റെ ഗ്ലോബൽ അഡ്വെർടൈസിങ് ആൻഡ് പാർട്നർഷിപ് ചെയർമാനായിരുന്നു ലിൻഡ. എൻബിസിയിലെ തന്റെ വിശ്വസ്തനായ ജോ ബെനറോച്ചിനെ ലിൻഡ ട്വിറ്ററിലേക്ക് സ്വാഗതം ചെയ്തു. ബെനറോച്ച് ട്വിറ്ററിൽ സുപ്രധാന പദവി വഹിക്കും. സിഇഒ സ്ഥാനം ഒഴിഞ്ഞതോടെ ടെസ്‌ല, സ്പേസ് എക്സ് എന്നീ കമ്പനികളിൽ ഇലോൺ മസ്ക് കൂടുതൽ സമയം ചെലവഴിക്കും. എക്സിക്യൂട്ടീവ് ചെയർമാൻ പദവിയാണ് ഇനി മസ്ക് ട്വിറ്ററിൽ വഹിക്കുക.

English Summary:  linda yaccarino takes charge as twitter ceo