4ജി, 5ജി സേവനം: ബിഎസ്എൻഎലിന് 89,047 കോടി രൂപ

ന്യൂഡൽഹി∙ 4ജി, 5ജി സേവനം ലഭ്യമാക്കാനായി ബിഎസ്എൻഎലിന് 89,047 കോടി രൂപയുടെ പാക്കേജിന് കേന്ദ്രമന്ത്രിസഭാ യോഗം അനുമതി നൽകി. ഇതോടെ ഉടനടി 4ജി സംവിധാനം രാജ്യമാകെ നടപ്പാക്കാനുള്ള നീക്കത്തിന് കൂടുതൽ വേഗം കൈവരും. മൂന്നാം തവണയാണ് ബിഎസ്എൻഎലിന് പുനരുജ്ജീവന പാക്കേജ് കേന്ദ്രം പ്രഖ്യാപിക്കുന്നത്. 2019ലാണ് ബിഎസ്എൽഎലിന് ആദ്യ പാക്കേജ് ആയ 69,000 കോടി രൂപ കേന്ദ്രം അനുവദിച്ചത്. 2022ൽ 1.64 ലക്ഷം കൂടി അനുവദിച്ചു. രണ്ട് പാക്കേജുകളുടെ ഫലമായി ബിഎസ്എൻഎലിന്റെ കടബാധ്യത 32,944 കോടിയിൽ നിന്ന് 22,289 കോടിയായി കുറഞ്ഞിരുന്നു.