വിദേശവിപണി പിടിക്കാൻ കയർഫെഡ്

ആലപ്പുഴ∙ വിദേശ വിപണി പിടിക്കാൻ ലാറ്റക്സ് ടഫ്റ്റഡ് മാറ്റുകളുമായി കയർഫെഡ്. ലാറ്റക്സ് പാളിയിൽ കയർ ഉറപ്പിച്ചു നിർമിക്കുന്ന ചവിട്ടികളാണിവ.  പ്രകൃതി സൗഹൃദമാണെന്നതാണു ലാറ്റക്സ് ഉൽപന്നങ്ങൾക്കു സ്വീകാര്യത കൂട്ടുന്നത്. കണിച്ചുകുളങ്ങര കയർ പാർക്കിലെ പിവിസി ടഫ്റ്റഡ് യൂണിറ്റിലാണു ലാറ്റക്സ് ടഫ്റ്റ്ഡ് ഉൽപന്നങ്ങൾ നിർമിക്കുക. മാറ്റുകൾക്കും കയറ്റുമതി ഓർഡറുകളെത്തിയതോടെയാണു കയർ പാർക്കിലെഈ യൂണിറ്റ് പ്രവർത്തനം പുനരാരംഭിച്ചത്. വിദേശ വ്യാപാര ലൈസൻസ് പുതുക്കി വിദേശ വ്യാപാരം ആരംഭിച്ചു.