ഇരുവൃക്കകളും തകരാറിൽ; തുടർചികിത്സയ്ക്കു പണമില്ലാതെ കുടുംബനാഥൻ

കൂത്താട്ടുകുളം ∙ ഇരുവൃക്കകളും തകരാറിലായ ചെത്തുതൊഴിലാളി സുമനസുകളുടെ കനിവു തേടുന്നു. എറണാകുളം ജില്ലയിൽ തിരുമാറാടി പഞ്ചായത്തിലെ വെട്ടിമൂട് മോളത്ത് വീട്ടിൽ കുഞ്ഞപ്പനാണ് (67) ചികിത്സയ്ക്കുള്ള സഹായത്തിനായി കാത്തിരിക്കുന്നത്. നാട്ടിൽ അറിയപ്പെടുന്ന ചെത്തുതൊഴിലാളിയായിരുന്ന ഇദ്ദേഹം 7 വർഷം മുൻപ് തൊഴിലിൽ നിന്ന് വിരമിച്ച ശേഷമാണ് രോഗഗ്രസ്തനായത്. 

വൃക്കകൾ തകരാറിലായതിനെ തുടർന്ന് ആഴ്ചയിൽ 3 ഡയാലിസിസ് നടത്തിയാണ് ജീവൻ നിലനിർത്തുന്നത്. വിവാഹിതരായ 3 പെൺമക്കളാണ് ഇദ്ദേഹത്തിനുള്ളത്. വീട്ടമ്മയായ ഭാര്യ പങ്കജവല്ലിക്കും വരുമാന മാർഗങ്ങളൊന്നുമില്ല. തുടർചികിത്സയ്ക്കും ഡയാലിസിസിനും പണമില്ലാതെ വിഷമിക്കുന്ന ഈ കുടുംബത്തെ സഹായിക്കാൻ താൽപര്യമുള്ളവർക്ക് താഴെ കാണുന്ന അക്കൗണ്ടിൽ സംഭാവനകൾ നൽകാം. ഫോൺ: 9995537287.

ബാങ്ക് അക്കൗണ്ട് വിവരങ്ങൾ

• State Bank of India
• M.R. Kunjappan
• SB Account Number: 67245592035
• IFSC: SBiN0070543