മാതാവിന്റെ ദാനവും ഫലം കണ്ടില്ല; രണ്ട് വൃക്കകളും തകരാറിലായ യുവാവ് സഹായം തേടുന്നു

നെടുമങ്ങാട് ∙ രണ്ട് വൃക്കകളും തകരാറിലായതിനെ തുടർന്ന് 10 വർഷമായി ചികിത്സയിലുള്ള യുവാവ് വൃക്ക മാറ്റിവയ്ക്കാൻ സഹായം തേടുന്നു. നെടുമങ്ങാട് ഉഴമലയ്ക്കൽ സ്വദേശി എസ്. വിഷ്ണു (21) ആണ് ചികിത്സയിലുള്ളത്. പത്താം വയസിലാണ് വിഷ്ണു രോഗബാധിതനാകുന്നത്. അന്ന് മുതൽ തിരുവനന്തപുരം മെഡിക്കൽ കോളജിൽ ചികിത്സയിലാണ്. 2 വർഷം മരുന്ന് കഴിച്ചു. 2 വർഷം ഡയാലിസിസ് ചെയ്തു.

2014 ൽ മാതാവ് വൃക്ക നൽകിയെങ്കിലും 4 മാസം മാത്രമാണ് മാറ്റി വച്ച വൃക്ക പ്രവർത്തിച്ചത്. കഴിഞ്ഞ 6 വർഷമായി ആഴ്ചയിൽ 3 ദിവസം ഡയാലിസിസ് ചെയ്തു വരുന്നു. ഇനിയും വൃക്ക മാറ്റിവെച്ചാലേ ആരോഗ്യ നിലയിൽ പുരോഗതി ഉണ്ടാകൂ. അതിന് 5 ലക്ഷം രൂപയോളം  ചെലവാകും. ഓട്ടോറിക്ഷ ഡ്രൈവറായ പിതാവിന് ഈ തുക വലിയ കടമ്പയാണ്. മകന് ജീവിതത്തിലേക്ക് മടങ്ങിവരാൻ സുമനസുകൾ കനിയുമെന്ന പ്രതീക്ഷയിലാണ് ഈ കുടുംബം.

വിഷ്ണു . എസ്

തൊട്ടരികത്തു വീട്, കിഴക്കുപുറം,

കുളപ്പട പി.ഒ.,

കിഴക്കുപുറം, ഉഴമലയ്ക്കൽ

നെടുമങ്ങാട്

ACCOUNT NUMBER: 67219307007 

SBI UZHAMALAKKAL BRANCH

IFSC: SBIN 0070547

Google Pay No: 9656936580