വീണുപോകാതിരിക്കാൻ അനിലിനു വേണം കൈത്താങ്ങ്

പത്തനാപുരം ∙ വിദേശത്തെ കഠിനാധ്വാനം മുഴുവൻ ചികിത്സയ്ക്കായി ചെലവഴിച്ചു. ഉണ്ടായിരുന്ന വീട് സർവീസ് സഹകരണ ബാങ്കിൽ ജപ്തിയായി കിടക്കുന്നു. എന്നിട്ടും തുടർചികിത്സയ്ക്ക് പണം കണ്ടെത്താൻ കഴിയാതെ അനിൽമോന്റെ കുടുംബം. പാതിരിക്കൽ അനിൽ ഭവനിൽ അനിൽ മോൻ(48) കാൻസർ രോഗ ബാധയെ തുടർന്നു തിരുവനന്തപുരം ആർസിസിയിലാണ് ചികിത്സ തുടരുന്നത്. ഭാര്യയും മക്കളും ഉൾപ്പെടുന്ന നിർധന കുടുംബനാഥനായ അനിൽമോന്റെ തുടർചികിത്സ സാധ്യമാകാൻ സന്മനസ്സുള്ളവർ സഹായിച്ചെങ്കിലേ മതിയാകൂ. സഹായം സ്വീകരിക്കുന്നതിനായി പത്തനാപുരം സ്റ്റേറ്റ് ബാങ്ക് ഓഫ് ഇന്ത്യയിൽ അനിൽമോന്റെ പേരിൽ അക്കൗണ്ട് തുടങ്ങിയിട്ടുണ്ട്.

ബാങ്ക് അക്കൗണ്ട് വിവരങ്ങൾ

∙ State Bank of India, Pathanapuram Branch
∙ A/C No: 39631586260.
∙ IFSC Code: SBIN0070072