പോരാളിയായിരുന്നു ‘ഡച്ച്’ ; 9 വർഷം സേനയുടെ ഭാഗമായിരുന്ന നായയ്ക്ക് വിട

ന്യൂഡൽഹി ∙ സ്ഫോടകവസ്തുക്കളുടെ സാന്നിധ്യം മണത്തറിഞ്ഞു മുന്നറിയിപ്പു നൽകി രാജ്യത്തിനു വേണ്ടി ജീവിച്ച വീരപോരാളിക്കു വിട ചൊല്ലി പ്രതിരോധ മന്ത്രി രാജ്നാഥ് സിങ്. 

സുരക്ഷാപരിശോധനകളിൽ സേനയ്ക്കു നിർണായക സഹായം നൽകിയ മിടുക്കനായ നായയുടെ സേവനങ്ങൾ ഓർമിച്ചായിരുന്നു അനുശോചന ട്വീറ്റ്. 

ഈസ്റ്റേൺ കമാൻഡിന്റെ ഭാഗമായി അസമിലെ 19 ആർമി ഡോഗ് യൂണിറ്റിന്റെ പൊന്നോമനയും അഭിമാനവുമായിരുന്ന ഡച്ച് എന്ന ലാബ്രഡോറിന്റെ അന്ത്യം കഴിഞ്ഞ ദിവസമായിരുന്നു. 9 വർഷം ‘സൈനികസേവന’ത്തിനു ശേഷം ഈ മാസം വിരമിക്കേണ്ടതായിരുന്നു.