അഭിഭാഷകർക്കും പൊലീസിനും പിഴച്ചെന്ന് സുപ്രീം കോടതി

ന്യൂഡൽഹി ∙ തീസ് ഹസാരി കോടതിവളപ്പിൽ അഭിഭാഷകരും പൊലീസുകാരും തമ്മിലുണ്ടായ സംഘർഷത്തിൽ ഇരുഭാഗത്തും പിഴവുണ്ടായെന്ന വിമർശനവുമായി സുപ്രീം കോടതി.സംഘർഷത്തിന്റെ പേരിൽ അഭിഭാഷകർ നടത്തുന്ന സമരം വിഷയത്തിനു പരിഹാരമല്ലെന്നും ജസ്റ്റിസുമാരായ സഞ്ജയ് കിഷൻ കൗൾ, കെ.എം. ജോസഫ് എന്നിവരുടെ ബെഞ്ച് വ്യക്തമാക്കി. ‘ചില സമയങ്ങളിൽ ഞങ്ങളുടെ മൗനമാണ് നല്ലത്. കൂടുതലൊന്നും പറയാതിരിക്കുന്നതാണ് ഉചിതം. രണ്ടു ഭാഗത്തും പിഴവുണ്ടായി. ഒരു കൈകൊണ്ട് ആരും കയ്യടിക്കില്ല–’ കോടതി പ്രതികരിച്ചു. ഈ വിഷയത്തിൽ കൂടുതലൊന്നും പറയുന്നില്ലെന്നും കോടതി വ്യക്തമാക്കി. 

English Summary: Supreme Court on police advocate clash